علاج التسويف واعراضه

[tota505077]

هراجع الكورس بعد المسلسل ده .. خلص المسلسل... ياساتر يا رب? انا جعت جداً .. اقوم اجيب حاجه اكلها .. بس انا لازم اتفرج علي حاجة وانا باكل ... انا اكلت الحمد لله بس الفيلم دة جميل جداااااً لازم اخلصه ? ... هبدأ اراجع بعد ما يخلص .. خلص الفيلم ... انا مرهقة جداً ومحتاجة انام شوية?، الصباح رباح
هو ليه ده بيحصل ؟
اولاً خلينا نعرف ان ده اسمه تسويف
التسويف :- هو انك تقومي بعمل مش مهم أو أهميته اقل عن عمل لي الاولوية زي انك تفتحي الفيس بوك - واتس اب تكلمي صاحبتك عن ان تقومي بمهمة في عملك
او تقومي تعملي كوباية شاي بدل ما تذاكري وهكذا
لو عاوزة تغيري حياتك للافضل شوفي الفيديو ده

التسويف ليه اضرار كتير زي انك هتتعرضي للمشاكل التالية :
1- دايماً مفيش عندك وقت لأي حاجة مهمة ويومك بيخلص في ولا حاجه
2- فرص كتير هتضيع منك في حياتك وبعضها فرص مش هتتكرر
لو حابة تخططي لحياتك شوفي الفيديو ده للاخر

4- ثقتك في نفسك هتقل لأنك مش هتقدري تطوري من نفسك وانتاجيتك هتكون ضعيفة فدايماً هتلاقي اللي حواليكي بيسبقوكي
5- ضرر على سمعتك المهنية والشخصية، لان التاجيل بلبدي كده مش هيخليكي قد كلمتك سواء في حياتك المهنية أو الاجتماعية
طيب ازاي نتخلص من التسويف
1 - خططي ليومك كامل واكتبي كل المهام اليومية في ورقة
2 - لا تؤجل عمل اليوم إلى الغد، ولا اقولك لا تؤجلي عمل الساعة 3 للساعة 5 لو سمحتي ?
3 - بلاش تبدأي أبداً في كذا مهمه مع بعض، لانك في الغالب مش هتنجزي ولا واحدة منهم ولو حصل هيكون في وقت اكبر بكتير وكمان جودة العمل هتكون اقل
4 - كل مهمة حددي ليها وقت معين مثال - انا هذاكر 45 دقيقة وهاخد استراحة 5 دقايق
وبرشحلكم اداة اسمها pomodoro على متجر جوجل كروم ودي بتديلك 25 دقيقة لكل مهمة وبعدها بتسمحلك ب 5 دقائق راحة لمدة 4 مرات وبعدها استراحة نصف ساعة
5 - حددي لنفسك مكافأة
بعد كل مهمة خدي فترة راحة واعملي فيها الحاجة ال كنتي بتحاولي تهربي فيها وقت بداية المهمه
حاولنا بقدر الامكان نبسط المعلومة لغاية لما البوست بقي مزغزغ كدة

 

[ahmedqatar]

بوركتم و ارجو ان يكون التطبيق على شخصكم و ان تطلعونا على النتائج

 

[الموج الصامت]

شكرا على طرحك

 

[محمد عمر]

شكرا