قصيده منطقى - هشام الجخ

[الغريبة]

قصيده منطقى - هشام الجخ

منطقى لما يبقى يتيم و أمى ويبقى سيد العالمين
منطقى الحُسَّاد هتكتر و العدا و الكارهين
و اللى هيبقولك ده شاعر
و اللى هيقولك دا ساحر
و اللى هيقولك دا كافر
واللى يكتب و اللى يرسم
و اللى يكدب و اللى يشتم
منطقى

هى غيره
زى غيرة الوليد بن المغيره
مش كان هيسلم؟!
بس حاجه فى نفسه حَكِّتْ
كبره خلَّى نفسه شَكِّتْ
أصل داء الكبر ده أكبر خطر
بس يعنى الجَنَّه تِعْمَرْ وحدها؟!
حَبَّه فى الجنه و نعيمها
وحَبَّه فى سقر
منطقى

و منطقى لما يبقوا المسلمين حالهم كدا
تطلع ضوافر للعِدا
مادمت مش زارع بإيدك غلتك
و الجوع قرص على معدتك .. فا ذَلِّتَك
مادمت متشتت و تايه فى الكلام
فين الودان اللى هتسمع كلمتك؟!
و منين يجيلك و ش تحمق ولَّا تغضب
ولَّا ترفع شكوتك؟!

هما مش قاصدين يهينوا المصطفى بحبة صور
هما عارفين إن سَيِّدنا النبى سيد البشر
هما قاصدينك و قاصدينِّى و قاصدين كل جيلنا
و طول ما بِنْكَسِّلْ و نتفرَّق و بندارى الحقايق
لسه ياما راح يجيلنا
أما سيدنا النبى ربه كافيه
هو خالقه ومصطفيه

لو كانوا حضروه كانوا عرفوا يرسموه
كانوا هيسموه بعدله و بسماحته و بهدوءه
كانوا شافوا إن الصحابه بتلحق الميه اللى نازله من وضوءه

إحنا ما رسمناش نبينا فى العيون
إحنا فهمناهم إن الدين بتاعنا
لا فيه علوم ولا فيه عمل
ولا فيه أدب ولا فيه فنون
اتلهينا في إحنا كُنا و احنا كُنا و احنا كُنا
و نمنا فى اللى راح يكون

بس احنا فوقنا
بجد أسفينلك و راجعينلك
شعبك نشيط طاهر و صافى و تقى
زيك يا سيدنا النبى يابو قلب طاهر نقى
أما اللى واكلاهم غيرتهم فا ده منطقى

​

 

[محمد عمر]

بارك الله فيك وجزاك خيرا

 

[الغريبة]

 

[الشارقة سوفت]

الله يجزاك كل خير على هذه المشاركة الطيبة والمفيدة والله يعطيك العافية..

حياك الله ويامرحبابك.......​

 

[الغريبة]