شرح ●♥♥ طريقة تحديد سرعة المعالج الجزء الاول ( التردد - الناقل الامامي )♥♥●

[Zakaria Elabd]

بعد التحدث عن النبذة التاريخية وبداية انتاج المعالج المركزي ندخل بقى في صلب الموضوع وهو بكل بساطة الاجابة على سوال واحد فقط لا غير

كيف استطيع يا ماجيك المفاضلة بين المعالجات المختلفة او بصيغة اخرى ازاي اعرف ان البروسيسور بتاعي اقوى من البروسيسور بتاعك او اضعف ؟؟؟


موضوع كبير وعميق وله ابعاد فاربطوا الاحزمة وصفوا الازهان لننطلق سويا الى عالم المعالج المركزي فهل انتم مستعدون !!

( رب اشرح لي صدري ويسر لي امري واحلل عقدة من لساني يفقه قولي اللهم لا سهل الا ما جعلته سهلا وانت تجعل الحزن ان شئت يا رب سهلا ) ... نبدأ باسم الله :

لما يكون قدامنا بروسيسور وعاوزين نحدد قوة البروسيسور دا يبقى هنتكلم على 3 حجات اساسية الا وهي :



1 - سرعة البروسيسور Speed Of ProcessoR

2 - سرعة الناقل الامامي Front Side BuS

3 - الذاكرة المخبئة Cash Memory​

1 - سرعة البروسيسور Speed Of ProcessoR :

سرعة البروسيسور او تردد البروسيسور يتم تمثيلها بعدد النبضات في الثانية الواحدة وكما تعودنا ما دام بنتكلم عن التردد يبقى وحدة القياس هرتز HZ .

مثال : - " Core I3 2100 3.1 GHZ " هنا المعالج ياتي بتردد 3.1 جيجا هيرتز اي 3100 ميجا هرتز اي 3100 مليون هيرتز .

ملحوظة : مفيش معالج مركزي يأتي بتردد اقل من 1GHZ وفي تقارير بتقول انه يوجد بعض المعالجات سوف تأتي بتردد 3.9 كتردد قياسي .

في سوال مهم هنا بقى يا حج ماجيك معنى كدا ان كل ما التردد بتاع المعالج يبقى اعلى يبقى كدا المعالج افضل او لو انا عندي معالج بتردد 3.5 وانت المعالج بتاعك 3.1 يبقى انا كدا احسن منك ؟؟
الاجابة لالا دا كلام خاطئ تماما اي نعم كل ما كان التردد اعلى يكون افضل ولكن هذا ليس العامل الاساسي لسبب وجود حاجة تسمى معمارية المعالج ودي مسألة مهمة جدا بيتلخبط فيها ناس كتير آن الاوان نشرحها .

​

معمارية المعالج :

وهي البنية الداخلية للمعالج و تحدد كيفية تعامله و تنفيذه للعمليات المطلوبة منه وهي دائما تعمل على تحسين ما يسمى IPC Instruction Per Clock أي عدد التعليمات التي يستطيع المعالج تنفيذها خلال نبضة واحدة بمعنى :​

هنفترض مجرد افتراض اننا عندنا معالجان كل منهما ياتي بتردد 1000 هرتز ولكنهم من معماريتين مختلفتين فالمعالج الاول قادر على عمل العملية الحسابية الواحدة ويستهلك 3نبضات بينما المعالج الثاني قادر على عمل نفس العملية ولكن باستهلاك 5 نبضات فهنا يكون المعالج الاول افضل لانه بيستهلك عدد اقل من النبضات .



ملحوظة : هذه الارقام ليست واقعية ولا تحفظ ما هي الا تبسيط للفكرة العامة .

​

المهم احنا نتفق ان مينفعش نحدد قوة البروسيسور من خلال التردد بتاعه فقط فيه عوامل تانية كتير واهمها المعمارية ال شرحتها دلوقت .

​

2 -سرعة الناقل الامامي Front Side BuS :
الموضوع دا كان من الامور المهمة جدا تحديدها زمان عند شراء معالج جديد بالاضافة الى انها كانت الاسلوب الامثل لكسر سرعة المعالجات القديمة حتى معالج Core 2 Quad ولكن مع نزول معمارية Sandy Bridge و Ivy Bridge اختلف الامر جملا وتفصيلا واصبح الامر مهمشا كليا دعونا من الكلام وتعالو نفتكر يعني ايه

Front Side BuS او FSB .​

​

هو الرابط بين المعالج المركزي والجسر الشمالي او الشريحة الرئيسية وهو شكله كالاتي :









ولو هنتكلم عن كفاءة الناقل الامامي يبقى عندنا نقطتين مهمين جدا الا وهم :​

1- عرض الناقل الامامي Data Bath Width :

وتعنى قدرة الناقل على ارسال عدد معين من البيانات في المرة الواحدة يعني تخيلها كانها شارع يقدر يمشي سيارة واحدة فقط او شارع يقدر يمشي 3 سيارات يبقى اكيد الشارع ال يمشي 3 سيارات افضل لانه اعرض ولمزيد من المعلوماات راجع موضوع تاريخ البوردات .
​

2- سرعة الناقل الامامي FSP SpeeD :


وهي سرعة الناقل في ارسال البيانات نفس المثال السابق بس بدل عدد السيارات خليها سرعة السيارة في الذهاب والاياب



اقدر اعرفها منين يا ابو حميد ؟؟


من برنامج CPU-Z




واحد هيقولي طب متسيبك يا ماجيك من المعالج الكواد وركز على معالج جديد من المعماريات الجديدة المنتشرة في السوق !!

هقوله وماله اتفضل يا حبيبي

يا عم الحج انت جاي تهرج فين دا ياعم ؟؟
مهو يا عم الحج انت لو مركز معايا كنت هتاخد بالك اني قولت ان المعالجات الحديثة بالكامل لن ينطبق عليها هذا الامر
ازاااااااااااااي يا عم فين الدليل ؟؟
بص يا حبيبي على البلوك دياجرام لمعالج قديم ومعالج حديث ولاحظ تغيير مكان الرامات


طب دلوقت انا شايف ان اسم الرابط بين الجسر الرئيسي والمعالج اصبح اسمه DMI ليه ؟
السبب ببساطة بيستهلك Lanes اكثر و بيستخدم الشير point to point و ال DMI 2.0 يقدر يتعامل مع 20GBIT/S من خلال 4 لينك راجع موضوع تاريخ البوردات لفهم هذه المصطلحات كلها

​

كدا فاضل لنا الكاش في طريقة تحديد قوة البروسيسور ومواضيع تانية حول شرح تقنيات المعالج المركزي كاملة والكمال لله لحين الوصول الى الموضوع النهائي الا وهو دليلك الاول للشراء الى ان القاكم في مواضيع اخرى لكم مني اطيب تحية

( اللهم ما كان في هذا الموضوع من توفيق فمنك يا رب وما كان به من خطأ او سهو فمن نفسي ومن الشيطان )
​

منقول للفائدة​

 

[GeNiUs5]

شكرا لك والله يعطيك العافية

لكن الصور غير ظاهرة ... حبذا تتكرم بإعادة رفعها

بارك الله فيك ،،​

 

[Zakaria Elabd]

شكرا لك والله يعطيك العافية

لكن الصور غير ظاهرة ... حبذا تتكرم بإعادة رفعها

بارك الله فيك ،،​

سنحاوال اعاده رفعها او تصميم ما هو قريب ان شاء الله حيث ان الموضوع الاصلي كان من فتره